27/09/08

León


Recentemente pasamos un par de días en León 
-A capital foránea que nos queda máis preto- 
Creo que foi de abondo para coñecer ben a cidade 
Cos seus máis e os seus menos, todo hai que dicilo 
Hai zonas moi curiosas, pero noutras cumpría algún arranxo 
Na primeira foto vese a rúa que vai da praza maior á catedral


A catedral, do século XIII, é unha xoia do gótico clásico 
Ten unha nave central estilizada, con bóveda de crucería 
Sostido por arbotantes, o templo acada unha grande altura 
Tamén posúe máis de un cento de vidreiras policromadas 
Que coido que son as máis importantes do seu tempo
 

Tamén visitamos a colexiata de San Isidoro 
O galo dourado da torre data de hai case mil anos 
Neste edicifio encóntrase o Panteón dos Reis 
-Entre as tumbas figura a de García I de Galicia- 
Tamén chamado 'a capela sixtina' do románico 
Os frescos narran parte do Novo Testamento 
Aínda que tamén conta cun almanaque medieval 
-O que debían facer mes a mes os cristiáns-
 Entre os labores, en maio tocaba guerrear 
-Cousa que hoxe se fai todo o santo ano-
 

Tras deixar atrás León, fixemos unha parada no Bierzo 
Como non, tomamos un refrixerio en Cacabelos 
-No Prada a Tope, onde xa te atenden en galego- 
É, sempre, a parada de rigor de volta á casa 
O sitio meréceo, e as chacinas que venden tamén 

2 comentarios:

eledhwen dixo...

Jo!
Qué buena "pinta".

Dr Smurf dixo...

Poderiades parar aí un día que volvades á casa. Asegúrovos que paga a pena.

Barbie, Cine e Moda

  Vimos de ver unha mostra con preto de 200 edicións limitadas da boneca máis famosa do mundo Trátase da exposición 'Barbie, Cine e Moda...